.
.
Fief van der Merwe van Bloemfontein skryf: Ernst, ek stuur ’n foto van ’n soort garingboom met ’n baie lang uitloopsel van sowat 4 m in lengte. Kan jy my help om dit te identifiseer?
Antwoord: Fief, die plant heet die sweepstokgaring (Agave filifera) en is ’n soort garingboom wat van Mexico kom. Dit is ’n eensaadlobbige plantsoort en sy bloeiwyse bestaan uit ’n enkele lang bloei-as met klein sittende blommetjies. Ná bestuiwing deur insekte vorm die vruggies met saad. Manlike en vroulike dele kom op elke blom voor en is dus tweeslagtig. Die moederplant vrek gewoonlik ná so ’n bloeisessie. Die garingboomsoort stort al sy energie in die eenmalige blom en om soveel vrugte te produseer met die hoop dat ’n enkele een sal groei en gee dan self die gees.
Marianne van Rensburg skryf: Ernst, hier is ’n foto van ’n aalwyn met ’n skeet. Is dit dalk ’n swam? Indien wel, wat moet ’n mens toedien?
